سهر الليل

موضوع: سهر الليل الثلاثاء فبراير 08, 2011 4:50 pm

غريب هذا الليل ،،، كله كآبه **** غريب هذا الليل ،،، أحرمني النوم

ياليل صمتك ،، كبرياء ومهابه **** ياليل كلك حزن ، وجروح ، وهموم

أبسئلك ياليل ، وأبغى اجابه **** ليه الوفا مابين الأحباب ، معدوم ؟

ليه الحبيب ان غاب ، طول غيابه ؟ *** وليه العشق ماله عوايد ولا سلوم ؟

ياليل أنا كلي ذهول وغرابه **** ظالم ينام ،، وتسهر عيون مظلوم

واللي يقول الصدق محد(ن) درابه ***واللي يقول الكذب ، مقدر ومحشوم

وأللي يعز النفس ، ساكن خرابه **** واللي يذل النفس يامر ومخدوم

بوجه الشجاع مقفل الحظ بابه **** وبالعكس يضحك مع مهابيل ورخوم

والذيب تــــايه في دهاليز غابه **** والبوم يسرح في رفاهه وهو بوم

خلوا ضعيف النفس ، يحسب حسابه *** ترى الرخا له يوم ،، والضيق له يوم

ودامك كذا ياليل كلك كآبه **** أجل بعيش بحزن وجروح وهموم
.

» كلام الليل
» شاهد الخط الفاصل بين الليل والنهار"سبحاان الله"‎