جيت لك وين اختفيت

جيت لهم قلت وشفيك اختفيت
يوم انا من جد محتاجك وابيك
وقلت له وش فيك صديت وجفيت
ولييييه بعت اللي بعمره يشتريك
وليييه غبت ووين رحت وين جيت
وكيف تنسى من بحبه يرتجيك
هي غصيبة او ظروفك او نسيت
ماأعتقد تنسى وعد الايام ذيك
تدري اني للاوادم مااشتكيت
وان صدري صار للعبرة شريك
وتدري اني مت ولا دريت
لعنبوك ارحم محب مات فيك
وتدري اني كل مانمت وصحيت
شفتك بجفني وعيني تحتريك
في غيابك صار كيت وكيت
وجعل ماجاء في خفوقي يجيك
هلت دموعه وكلمني رضيت
يوم سالت دمعتي منك عليك
قلت بدري قال صدري ماقويت
قلت وش فيك قال جعله يلتقيك
قلت من هو قال خلك واستحيت
وصد واخر قوله الله بس يهديك