اجمل مكالمه هاتفيه تعالوا نشوف ونحكي الوووو

اجمل مكالمه هاتفيه فوت وشوف
الشب : مرحبا هاد تلفون أبو عوض ( عاد بكون ماخد رقم البنت من صاحبه )
البنت : لا النمره غلط
الشب : عفكره صوتك حلو والحمد لله إنه ربنا خلاني أغلط بالرقم عشان اسمع هاد الصوت الحلو
البنت: ليش بتخفف دمك ومين أعطاك رقمي
الشب : والله إني غلطان بالرقم وتخربطت بآخر رقم ( عاد صاحبه الي أعطاه رقم البنت بكون قاعد جنبه)
البنت: طيب خلص شو بدك
الشب : مالك معصبه ياستي آسف إني غلطان بحقك وما حرن عليكي مره تانيه بس عكل حال أنا كتير متضايق ومش لاقي عروس عاد مش ناقصني إشي وكل البنات ما بصمدو معي وأول ما أسكر الخط بدي أنتحر ومش لاقي حد يسمعني وكنت بتمنى إنك تسمعيني بس ياخساره يلا باي
البنت : استنى استنى انته شو اسمك
الشب : اسمي رامي ومهندس بشركة نفط بالخليج وجاي هون شهر إجازه ( عاد بكون اسمه عواد وعنده كشك سجاير في البلد )
البنت : شو برجك؟؟؟( هاد أكتر سؤال بسئلوه البنات)
الشب برجي الجوزاء .
البنت : كيف شكلك ؟؟
الشب : طويل وعيوني خضر وبلعب حديد بس صارلي تارك فتره عشان هيك نصحان شوي بس راجع ألعب( عاد بكون شبه شعبان عبد الرحيم)
البنت : مش مهم الشكل انا ما بهمني بالشب شكله المهم عقله يكون كبير
الشب : لا ما تخافي من هاي الناحيه كل أصحابي بحكو معي عشان احللهم مشاكلهم ولله الحمد أنا زلمه راكز وقد حالي وكل الحاره ابتحسبلي مليون حساب ( عاد بكون هو مشييب أصحابه وسبب مشاكلهم )
البنت : لا مبين عليك قد حالك وطيوب بس ليش ولا بنت بتصمد معك
الشب : كل بنت بحكي معها ابتتجوز أو ابتخطب وكل ما أحب بنت بتخوني وبتغدر فيه عشان أنا قلبي طيب ومخلص ( بكون هو حالق لكل البنات وعمرو ما أخلص لحد)
البنت : ياحرااااااام
الشب : ما قلتيلي انتي مرتبطه أو مصاحبه
البنت : لا عمري ما حبيت ولا حكيت مع شباب
الشب : اهاااااا ( وببعد السماعه عن دانه وبصير يضحك عشان بكون قاعد معه أصحاب البنت الأربعه الي صاحبتهم من قبل )
الشب : طيب أنا لازم اروح هلأ عشان سيارتي البي إم صافه بنص الشارع وبرجع أحكي معك ( عاد بكون رصيده خلص وراح يفصل الخط ومعوش حق سكوتر)

وهيك ابتستمر هاي المكالمات لبين ما يخلص الشب من البنت بحكيلها إنها خلصت إجازته ولازم يرجع يسافر وبعدين إبيعطي رقمها لصاحبه الثاني وهكذا تستمر المهزله

قرأتها وعجبتني بالبداية ......وضحكت

بس لما فكرت فيها منيح .......ليش هيك البنت حكتلو استنى شوي لما عرفت أنه مهندس وبشتغل بالخليج

وبعدين حكتله ما بهمني الشكل ..... على اساس لو طلع مش حلو رح تضل تحكي معه !!!!؟؟؟؟؟

وبتحكيلو عمري ما حكيت مع شباب وهو ماخد ارقم من صاحبه

يعني بدو يكزب عليها غصب عنه .......لأنه عارف حقيقتها

» الخباثه وراثه تعالو نشوف
» افعى تولد الكهرباء......؟؟؟ تعالو نشوف
» نق النسوان ولا تخلص تعالوا شوفوا
» نضحك ع بنات المنتدا شوي تعالوا
» عايزه تعرفى أو عايز تعرف إسم شريك حياتك ..تعالوا